امثال فلسطينية - سودة والخدم حواليها.. وبيضة وكل الشغل عليها

امثال فلسطينية - سودة والخدم حواليها.. وبيضة وكل الشغل عليها

خود السمينة واوعى تخاف.. منها مخدة ومنها لحاف

خدولكم هالأمثال 😄😄

1 - يلي مالو بنات.. ما حدا بيعرف إمتى مات
2 - أبو البنات.. شايل على كتافه حسنات
3 - يلي حظها قوي.. بتجيب البنت قبل الصبي
4 - البنت هدية.. والصبي بلية
5 - الحياة بدون أخت.. متل الشارع بلا زفت
6 - ابني هوه ابني لحتى يتجوز.. وبنتي هيه بنتي طول العمر
7 - عشر أصهرة ع باب داري.. ولا كنة تكشف أسراري
8 - خود المعجعجة وضمها.. وخلي السنكوحة بحضن امها
9 - النذل يلي متعود عالوخامة.. ما بتناسبه بنت الشرف والشهامة
10 - القرش ما بيخبي الشرش.. والخروق ما بتخبي العروق
11 - لا تاخد ارملة خدها مشموم.. شو ما عملتلها بتقلك مو متل المرحوم
12 - يلي بدها يسعدها زمانها.. تجيب بناتها قبل صبيانها
13 - عشنا وشفنا.. وما بقى شي يدهشنا
14 - لو ما كان الطول مهيوب.. ما اخترعوا للقصيرات كعوب
15 - دللي كنتك واكسبي ودها.. لإنه إذا نوت عالشر مافي شي بيردها
16 - البيت اللي ما فيه بنات.. ما فيه حناين
17 - سودة والخدم حواليها.. وبيضة وكل الشغل عليها
18 - قصي من لسانك وزيدي عالتنورة.. منو بتدفي سيقانك ومنو بتضلي مستورة
19 - سودة زرقة وقاعدة عالتخت.. وبيضة شقرة مالها بخت
20 - خود السمينة واوعى تخاف.. منها مخدة ومنها لحاف
21 - ابن الأصل لو طعميته خبز حاف بيصون.. وقليل الأصل لو طعميته لحم الكتاف بيخون
22 - فكرناهن رخاص.. طلعو مجاناً
23 - بنت الأصل.. بتخلي كوخها قصر
24 - دنيا ما عليها عتب.. فيها المصدي وفيها الدهب
ههههههههه والله كلهن عالوجع وموجودات عالواقع بين الناس 😂😂

ليست هناك تعليقات

اهلا وسهلا بك في شبكة كنان الاعلامية عند الرد نتمنى منك الرد بدون كلام خادش للحياء وشكرا